ay aẓerẓur urqim
ittunagen bγir aεwin
di tmurt utwil ur d-yeqim
Γewden abrid at tismin
la ttnejlin akken d lqim
ay teččamt a timdinin

ay aẓerẓur urqim
i yettuγalen di tefsut
abrid abrid bb walim
tettafgeḍ nnig tagut
ay ass-n g wass n umeččim
mi kkiγ di lεetba n tebburt

ay aẓerẓur urqim
ittḥawacen di meγres
skud ur yuzzif lγim
amek ara yuzur yiγes
rẓ-as ifadden i wexṣim
tessenseḍ ay Uzmir times

Ukerdis
Taεwint Tasemaṭṭ 08

Source :http://www.imyura.net/