Mači wi ibedden

Mači wi ibedden is’ehh’a
Mači wi itt’sen d amud’in
Mači win tez’rid’ yed’sa
Ad tγiled’ isεa zzher’ yukin
Tella tad’sa n leh’r’ar’a
Yella waddud n tmara
Yella wi ur neh’mil ara
Di tlufa medden ad t-walin

Ussan ur εdilen ara
Xas tafat tesdukel-iten
Lexmis mači d lğemεa
Lh’ed mači d letniyen
Ass kul wa d acu s-yefka
Mkul wa amek i t-yufa
Yella wass d-ittasen ilha
Llan wussan diri-ten

Yiwen akka i tt-iwala
Wa iwala-tt akken nnid’en
Tamuγli ur teεdil ara
Xas kesben medden akk allen
Hatt tit’-iw ayen twala
Lγaci ur mcuban
Imdanen ur kif kif ara
Xas tutlayt tesduken-iten

Tella tmusni yettr’ebbin
Tella tin yetthuddun lqum
Tetthud winna akken ittsed’h’in
Tbennu ssεaya i wemcum
Tt’uqtent tmusniwin
Mxallafent tmuγliwin
Wa yeqqar akken ad yissin
Wayed’ iwakken ad yečč aγrum

---------------------------