Ma d-tidett seg yiwen uẓar ay d-nefruri
Acuγer akk-a ay nettennaγ ihi
Tezga terwi fell-aγ teswiεt ur tefri
Kkes-d deg umennuγ nneγ w’ur n-zhi
Kečč la teqqareḍ nekk n RCD
Ur yelli urgaz nnig Saεdi
Nekk la k-qqareγ Si-Lḥusin d-afeḥli
Win yeṭṭfen deg-s werğin yeγli
Nemyergam deg’berdan s Ṛebbi
Nemḍeggar tikerkas s irebbi
Neggul i lebda wer nemlaεi
Ur nettemẓurru ula di nnεi
Yal wa nnger n wayeḍ yegguni
Nettu i tegmatt umi nezzi d-tirni
Nerhef u lhiba deg-neγ ur d-teggri
Ma nsuγ aεdaw deg-neγ ur d-yedhi
Yettwakkes-aγ uzref nnif yettwadri
Nekkni mazal wa γer wayeḍ yettwehhi
Iyyaw ad awen-mleγ ṣwab a-wladi
Ilaq γef tmaziγt meṛṛa ad nezdi
Win deg-neγ umi tezleg tikli
Ad t-nweṣṣi s wawal ẓiden lεali
Γas ma di tsertit ur nettemcabi
Deg wagar-aneγ ur nettemdabi
Ili-k d-ineslem neγ d-acyuεi
Ma aya yeffer yiwen ur t-yuεi
Ma tenniḍ kan nekk d-Aqbayli
Ḥemmleγ-k a-gma lεali
Tamurqbaylit ad tezdi
Ad tebded am yeẓdi
Acengu allaγ-is ad yerwi
Kra yessarem ur iḍusa iswi
************************************
Lettre aux Kabyles
Par : Djaafar Messaoudi
Si vraiment nous sommes de la même race
Pourquoi alors nous battons-nous sans cesse ?
Nous sommes toujours en état de trouble
Tout le monde se réjouit de nos conflits
Tu te vantes de ton appartenance au RCD
Tu dis qu’il n’y a personne au-dessus de Saadi
Et moi je te réponds que Si-Lhucine est plus virile
Qui s’accroche à lui ne tombera jamais
Nous nous sommes insultés en pleine rue
Nous nous sommes à maintes fois trahis
Nous avons juré de ne point se parler
Ni même se visiter le jour de deuil
Chacun guette l’écroulement de l’autre
Nous ignorons que tamazight en souffre
Devenus faibles, nous n’inspirons aucun respect
Notre ennemi nous méprise à chaque doléance
Nous sommes privés de nos droits et notre honneur écrasé
Et nous continuons à s'entre-déchirer
Permettez-moi de vous conseiller, mes frères
Nous devons nous rassembler autour de tamazight
Si quiconque se comporte mal parmi nous
Nous le conseillerons gentiment
Même si nous divergeons en politique
Nous ne devons pas nous battre comme des chiens
Sois musulman ou communiste
Si cela reste personnel
Si tu dis uniquement "je suis kabyle
Je t'aime ô mon frère"
La Kabylie sera unie
Elle sera debout avec toute sa fierté
Notre ennemi sera fou
Ses souhaits sont tombés dans l'eau
